[نور الدنيـــا]

::":: الجـزء السـآدس عشـر ::"::

ماسكه علبة الحبوب وتقرأ الكتابه الي عليها .. مصدومه مو مصدقه وصلت وقاحتها لهالمرحله .. صارت تقراها مره ومرتين وتلاتته تتأكد يمكنها قرأت غلط .. بس نفس النتيجه .... حبوب منع حمـل .....؟؟؟! لأي مرحله من الإنحطاط وصلت أختها إلي من لحمها ودمها ..
طاحت بجمسها عالسرير مصدومه تطالع في الي قدامها كأنه فراغ .. هذي اخرة الدلع والفلته .. حبوب منع حمـل ......؟؟؟؟؟؟؟؟
طاحت العلبه من يدها وقامت وشياطين الدنيا حولها .. سحبت شعر اختها الي كانت نايمه ع السرير بتعب .. رفعتها من عالسرير من شعرها لحد ماحست انها طلعته في يدها : قومي ياحيوانه ياحقييره قومي لابارك الله فيك ولا في الساعه الي جيتي فيها عالدنيا ..
نجود مفزوعه حست راسها بينفك من كتر ماتسحبها صارت تصارخ بآلم : اااااااااااااااااااااااااااااه مااااااااااااااااما الحقيني يمه اتركيييييي اااااااي ..
نوف رمتها عالأرض وصارت تضربها برجولها ودموعها على خدها : حسبي الله عليك وطيتي راسنا حسبي الله عليك من بنت .. سودتي وجهنا ياريتك تموتين ..(( تقوي ضربات رجلها )) موتي ياخاينه ياقذررره موتي موووووتي ..
انفتح الباب ودخلت ام نوره ومعاها بناتها الاثنين مصدومين هذي ايش قاعده تسوي ..
راحت تجري لنوف تبغه تبعدها عن نجود الي وجههـآ اتملى دم قالت بخوف وشفايفها المجعده من كبر السن ترتجف : نوف مجنونه وش تسوين ابعدي اتركيها بتموتينها ..
نوف ماوقفت ضرب ونزلت لمستواها وصارت تسحب في شعرها وتضرب راسها بقوه في الارض اكثر من مره .. واخواتها صارخو يحاولو يبعدوها عنها .. الين اتوقفت نجود عن الحركه وارتخى جسمها ..
وقفت نوف ويدها كلها دم تفلت بقوه على نجود : الله لايسامحك ع الي سويتيه فينا ياقذره ..
ام نوره تبكي وتضرب خدود نجود بخفه تحاول تصحيها : نجود يمه قومي نجود حبيبتي قومي خلاص ..
نوره منصدمه واقفه تتفرج من بعيد مو عارفه ايش الي بيحصل ..
ندى بصراخ : انتي مجنونه وش سويتي لها موتيها نوف انتي شاربه شي ..
نوف طالعت في اخواتها وامها بحزن ونزلت دموعها ورمت نفسها عالسرير وصارت تبكي بقهر .......................
........................

السـآعه 5 العصـرر ....
حلا : لا حبيبتي ماقدر والله
فرح : ليييه ؟
حلا : خلاص الاختبارات النهائيه قربت مافيها لعب ..
فرح : اهااا يعني ماتقدري مره عالأقل نجتمع اليوم ..
حلا : اسفه والله مره كان ودي بس مره مشغوله بالدراسه وظغط علي ..
فرح باحباط : اهاا اوكي الله يوفقك شدي حيلك ..
حلا : ان شاء الله
فرح : يلا قلبي ماأعطلك باي
حلا : باي ..
سكرت منها ورجعت تشتغل في اللاب توب تطلع البحوثات الي ناقصتها ...
اندق عليها الباب ..
حلا : ميييين ؟
محمد : انا فيه غيري يعني ..
حلا : هههههه اتفضل محمد
دخل محمد وهو مبتسم : سلاام
حلا بعدت عنها اللاب توب وطالعت فيه : وعليكم السلام
محمد جلس على طرف السرير العـآلي : اخبارك ؟
حلا : تممــاام بس الدراسه مطفشتني
محمد : ههههه يلا شدي حيلك ماعاد فيها لعب ودلع
حلا : ادري الله يعين
محمد : يلا بالتوفيق ان شاء الله ..
حلا : اممم ماقلك نواف متى بيرجع ؟
محمد : بيجي على بداية الصيف
حلا بفرحه بينت في عيونها : جد والله ؟؟؟
محمد : ههههه ايه
حلا : ياربي مررره وحشني الخايس ..
محمد ابتسم : الله يوفقه
حلا : امييييين ..
محمد : امم ماودك تنزلين ..
حلا ترفع الكتاب الي بيدها : شوفة عينك ..
محمد : يلا بالتوفيق ياقلبي بس قلت يمكن وحشنااكي هههههه
حلا ابتسمت برقه : هههههههههه ..
حلا : وين بابا ؟
محمد ابتسم : بالشركه راجع بعد شوي ..
حلا ابتسمت بحزن ونزلت راسها .. قالت بهدوء : تصدق محمد مرات احس انه ماعندي ابو ..
محمد طالع فيها بحنان : وليه ؟
حلا رفعت عيونها عليه : مرات يعدي اسبوع ولا اشوفه ولا اسمع صوته ولا حتى يفكر يجي يسلم علي ولا يتطمن على بنته
محمد : اعذريه ياحلا اشغاله كثيره ويبيلها مجهود
حلا بعدم اقتناع : ايه ادري
محمد يغير الموضوع : ايه نسيت ماقولك
حلا : وشو ؟
محمد : عمي اجل طلعت المزرعه لبعد الامتحانات
حلا : ايه زين سوى بالاجازه احسن
محمد : هههههه (( ابتسم )) يلا انا طالع
حلا : الله معاك ..
خرج وقفل الباب وراه بهدوء ..

......................

فرح حست باحباط حلا ماتقدر تطلع ونوف مقفله جوالها وجود متغيره عن اول وهيا طفشاانه وتموت تبغه تطلع من البيت .. قررت اخيرا انها تعتذر من جود وتطلع مع مشعل ..
نزلت عنده للصاله وكان نايم بتعب .. ابتسمت بحنان .. مسكين شاقي عمره عشان يقدر يعيش اخواته ويعوضهم عن ابوهم وامهم ..
هزته بشويش وقالت بهمس : مشعل مشششعل
مشعل يتقلب عالكنبه : همممم
فرح : مشعل يلا قوم للدوام اتاخرت
مشعل زفر بطفش وعدل جلسته : اسستغفر الله العظيم بس
فرح : ههههه ماعليه اتحمل وعلى فكره انا جايه معاك وحنسيك التعب
مشعل : ههههه دا الي كان ناقص
فرح اتخصرت : نعععم ؟؟
مشعل : ههههه ولا شي روحي غيري ملابسك وحاولي مع ملاك يمكن تجي
فرح هزت راسها وابتسمت بحزن على حال بنت خالتها الي من بعد وفاة امها وابوها وهيا ماتخرج من الغرفه ..
وبعد نص ساعه طلعت مع مشعل للفيصليه ..

..........................

في جــدهـ ..

ابو سامي مسرع في خطواته ورى السرير المتنقل الي حاطين سامي فوقه ومسرعين فيه بممرات المستشفى والاكسجين على فمه ..
حس بدموعه تبلل ثيابه وخنقه قويه اجتاحته .. مستحيل يرضى بفكرة انه يفقد سامي من بعد سالم ويعيش وحيد بلا ظهر ولا سند ..

دخلوهـ لغرفة الإنعااش بسـرعه فآآئقـه ..
وأبو سـآمي اتسند ع الجدار بضعف .. هذا ساامي هذا الغالي الي لاتركه بتتركه رووحــه ..
نزلت دمعــة حـآره من عيوونــه وجلس ع الكرســي بلا حـول ولا قوهـ ..

أمــااا .. ميآر في البيــت .. دموعهــاا تجري .. مو عارفه ايش تعمل ولا كيف تتصـرف ..
خــآيفه على اخووها .. وقلقاانه على اختهــااا إلي ماتدري عن هوى أرضهــااا ..

..................... ولحظـه مو متوقعـــه ..؟!!!

انفتح باب الفلـه الكبيـر بهدووء وصمـــت ..

إلتفتت ميــاار لناحية الباب .. الصدمـه شلتهــاا .. لمن شافت أختهــاا تدخل وهي منكسـه رااسهااا .. وبإيدهـاا كيس كبير ماقدرت تحدد ايش الموجود بدااخله ..
وقفت برجلين مرتجفه .. اسرعت لعندهااا .. ومن قبل لا ترفع راسها ولا حتى تنطق بكلمه .. جاها كــف قـوي .. خلاها للحظـه تنسى هي مين ..؟
ميار بدموع حـارقه وصوت مكسوور : حسبي الله عليكي فضحتينا
مها تبكي بصمت وهي منزله رااسها وخدها يحرقها من قوة الكــف ..
تستحق المووت بلي سوته بأهلها .. وكيف لا دروا بالمصيبه الي جايبتها معاها ..
ميار تصرخ بقهر وهي تهزها من كتووفها : تكلمي قولي شي ليه سويتي كدا ليييييييه ؟
مها رفعت راسها بقلة حيله ودموعها تتسابق : استـ..ـآهل أكثر من كدا ....... اقتليني اقتلييييييييني
ميار مو عارفه ايش تقصد ولا فاهمه شي بس بثقل حركت ايدها بقوهـ على خد اختها مره ثاانيهـ : اسكتي اسسكتي يكفي الي جاه من ورى راااسك..
مها نزلت للأرض تبكي بحراره وقهـر : انا منتهيه خلاااص انتهيت اذبحيني الله يخليكي مابغه اسود وجه بابا مابغه اشوف الاحتقار بعيون سامي الله يخليكي اقتليني ..
ميار رفستها برجلها بقووهـ وطلعت تجري لغرفتهاا .. يكفي خوفها الي ذابحها على ساامي ..

...................

...................

طلعت لغرفتها بخطوات ثقيله .. غيرت ملابسها ولبست بيجامتها .. بعد ماقالتلها فرح انهم ماراح يقدروا يجوا لعندهــاا ..
تمددت ع سريرها وهي تحس بضيقه وألم ..
اخذت نفس عميق وسحبت اللحاف وتغطت .. تبغه تنام .. مالها كثير من قاامت .. بس النوم اريحلها وافضل لها ع الأأقل تنسى كل شي وكل الي ممكن يصير بين لحظه والثانيه دام راابح حطها في مخـه ..
دق جوآآلهــاا بنغمـه عـآليه .. نطت من ع السرير مفزووعــه .. خافت لا يكون راابح ... ظلت تطالع في الجوال الي ع التسريحه من بعيد
ماتجرأت وقربت منه تشوف الرقـم .. رجولها ترتجف واسنانها تصك في بعض ..

.....................

في عــاالم ثاني .. ودنياا مختلفه بالمرهـ ..
متمدد ع الكنبه بهدوء والجوال بإيدهـ ويناظر الشاشه بأمل : ردي تكفييييين ..
خابت اماله لما فصل الخط .. حط الجوال ع الطاوله الي قدامه ودخل للـ توآليت " الله يكرمكم " ..
طلع بعد دقايق قليله وهو يتنهد >> مشتاااقلك ياكل دنيتي وربي مشتااااقلك << ..

,,
,
,

..............
دموعهــاا مغرقتهــااا .. قلبها شويه وبيوقف .. انفااسها تساارعت ..
بإيدهــاا القرآآن .. تقرأ وتدعــي ربهــاا من قلب .. بنتهــاا مايصيـر فيهــااا شي ..
دخلـووهـآ لغرفـة العمليـآت قبل شويـه .. رجولها ماعاد تشيلها ..

بكت بحرقه وقهر : حسبي الله عليك يانوف حسبي الله عليك ..
نورهـ تبكي معاهـآ وهي حاضنه اختها الصغيـرهـ ندى : خلاص يمه ادعيلها تكفيييين

طلـع الدكتـور المسؤوول عن العمليــه وعلى وجههـه علآآمـآآت القلق والإرتبــاااك ..
أم نورهـ راحت تجري لعندهـ : وش فيها بنتي ؟
الدكتور بأسف .. وهو يطالع بأصابيعه : مظطرين نعملا العمليه هلاء .. يمكن بئدرة
ربي نقدر ننأزا "ننقذهـآ " ..
ام نورهـ بفزع : يعني شلون وش فيها بنتي تكلم قووول ؟
الدكتور تنهد : النزيف بمخـه كتير ئووي احتمال كبير نئدر ننأزو بالعمليه ..
ام نورهـ طاحت بتعب ع الكرسي وهي مو مستوعبه ......
ندى ضمت امها بقوه وهي تبكي ....
نورهـ قامت لعند الدكتـور تعرف منه ايش الي يصير بالضبط ؟
الدكتور : ياانسـه اختك كتير مخـه وعيونه مآزيين " متأذين " وازا ربي ارادله تكمل حياته وتقوم بالسلامه احتمال كبير تفئد ............
نورهـ بقلة صبر وايدها على قلبها : تفقد وشو .. وش فيه يادكتور تكلم ؟
الدكتور : تفئد نزره " نظرها " .......... عن اززنك لازم نستعجل بالعمليه ..
راح وتركها غاارقه في تخيلاتها بانها ممكن تفقد اختها .. وحتى لو ربي ارادلها وعاشت .. بتعيش ضريره ؟؟ !! معقوله الي بيصير ؟
" معقووله إلي بيصير فيكي يانجوود ......!!!

أمــاا هـي ..؟
في غرفتها الصغيرهـ الضيقـه .. ضامه رجولها لصدرهـاا وتبكي بمرارهـ .. والدم حوآليهــآآ في كل مكــآن ..
>> آآهـ ياربي انا شسويت في نفسي .. شسويت في اختي ؟؟ يااارب هي غلطانه هي سودت وجهنا ياااارب بس هذي اختي ؟ لا يصير فيها شي يااارب رجيتك تقومها بالسلامه ..؟ انا ماني مجرمه اسوي كذا ؟ مو بقصدي اذبحها ولا أأذيها ؟ بس الي سوته مو قليل والله مو قليل <<

ظلت بمكاانها تبكي وتنااجي ربهــااا ..

.....................

دخـلت للبيــت بهدووء وهي مبتسمه .. شايله بإيدهـآ أكيــااس كثيــر .. من زمــااان ماطلعت تتسوق وتعمل " شوبينغ " ..
دخل وراها وقفل الباب ..
فرح رمت العبايه والطرحه ع الكنبه .. واتمددت ع الكنبه الكبيره الي بنص الصاله : آآهـ دخت
مشعل يجلس جنبها : انتي خليتي شي ومااشتريتيه يخرب بيتك فلستيني ..
فرح رفعت حاجبها : ياسلام مين الي قال الخرجه على حساااابي ..
مشعل : طيب وانتي ماصدقتي يااستغلاليه ..
فرح : ههههه .. فين فراس غريبه مالو حس اليوم ؟
مشعل : طلع مع صاحبو اظن ..
فرح : صاحبو مين ؟
مشعل : مادري واللــه .. ايوا على فكره صاحبي جايني اليوم بنقعد بالملحق ..
فرح اخذت الريموت وشغلت التلفزيون : اهااا طيب ..
دخلت عليهم بشقااوتهاا المعتاادهـ : فررررررررررررررح
فرح ابتسمت ومدتلها ايدها : ياعيووون فرح انتي
مي اترمت في حضنها : وحشتيني ..
فرح بزعل مصطنع مدت بوزها : وحشتك هااه مين الي زعلني اليوم في الصباح
مي بتفكير شيطاني اشرت على مشعل : امممم هوا زعلك ..
مشعل : اووف يامفتريه عيني عينك
فرح : ههههه (( باستها )) الله لا يحرمني منك ياحياااااتي ..
دخل عليهم فرااس بابتسامه راايقه : السلام عليكم ..
فرح + مشعل : وعليكم السسسسسلااام ..
فراس جلس على وحده من الكنبات : اخبااركم ؟
مشعل : تماام اخبارك انتا فين كنت ؟
فراس : طلعت مع صاحبي لفلفلنا شويه وقلتلو يرجعني مرره داايخ ..
فرح : ههههههه
فراس : محمد جايك اليوم ؟
مشعل : ايوا ..
فرح بلقاافه : امم مين محمد ؟
مي بصوت عالي : محمد أبد اللحماااان الي داايما ..
فرح : هههههه ياربي ع الملقووفه (( طالعت في مشعل )) عبد الرحمن ؟
مشعل هز راسه بالإيجااب : يب الـ عبد الرحمن ..
فرح بابتساامه : صاحبتي اسمها حلا الـ عبد الرحمن ..
مشعل بتفاجأ : من جد ؟
فرح : ايوا ؟؟
مشعل : هههههه اجل اخته دي ..
فرح : وي ايش عرفك ؟
مشعل : الا مره سمعته يكلمها جوال ؟
فرح هزت كتوفها : يمكن ليه لاء ..

.....................