اللي على كثر المصايب كل مافيهـا جميـل
.............................الناس لي كبرت تشين وذيك لي كبرت حلت
لامن تثنت للهبـوب تميـل اللـي مايميـل
.............................وان مالت عقول الخفاف من الرجاجيل اثقلت
تقبل على لون المسا لاجات مفتولة جديـل
.............................غصبن عن عيون النسا مايرمشن اليا اقبلت
عشقتها لاني من اللي يعشقون المستحيـل
.............................صدقتهـا لانهـا لياقالـت القـول افعلـت
الترفه اللي تنطح الفريـس وتفـك الدخيـل
.............................مابالرجال اللـي تحملنـي كثـر ماتحملـت
لو كـل خلـق الله ملّـو ماتمـل وماتميـل
.............................لان الرجال بهالزمن قلّوا هذيـك استرجلـت
بنت(ن) ليامنك وقعت تشيلك من القاع شيل
.............................ابرك من وجيه الرجال اللي لياطحت جفلـت