من شمعت الاحساس ولعت مصبـاح
وامليت انا بيض الورق من شجونـي
وغيم المشاعـر برقهـا داخلـي لاح
وغيث المشاعر يستهل مـن مزونـي
لونن من احزانن ولونن مـن افـراح
مثل خليـط اللـون يخلـط بلونـي
وانتاجها بيتيـن مـن غيـر الحـاح
واروع من البيتيـن جـرت لحونـي
ابنشدك وش يعني الموت يا صـاح؟؟
تفسيرها عندي ولـو مـا فهمونـي
الموت ماهو موت عمـري اليـا راح
الموت موت الدمع داخـل عيونـي!!
ادري غريبـه؟؟ لكـن الشـي ذبـاح
شوف الدموع مكفنه فـي جفونـي!!
طعنتنـي برمـاح ولحقتهـا رمـاح
خيبت ظنـي فيـك وخابـت ظنونـي
وان طحت انا قبلي من الناس من طاح
يـا سامعينـن كلمتـي سامحـونـي
انت البحـر وانـا غريقـن وسبـاح
طبع البحر غـدار عقـب السكونـي
لا ما تعبت بصدتـك عشـت مرتـاح
ولا مانثـرت الدمـع لـو ذكرونـي
ماني بميت لـو غـدى كلـي جـراح
وعادي معي لو عشت مـا عالجونـي
انا ادري ان الموت هو موت الارواح
وانا ذبحـت الدمـع داخـل عيونـي