لاصرت راضي على الفرقـا وانا راضـــي كلــن علــى مايبــــي رجلـــه يمشيهـــا
مـانـي علــى روحتــك للغيـــر مغتاضــي هــذي حياتــك وانـا ماعــاد لــي فيهـــا
تعبت نفسي معك لكن على الفاضـــي والعيشـه اللـي معـك ماعـدت ادانيهـــا
اركض ورا هقوتي وان طال مركاضـــي واخلفت هقـواتـي اللي كـنت هاقيهـــا
القلب لاهـزك امن الشوق واهتاضـــي تـذكــــر ان رجــلــي بــــدربــك معنيهـــا
والـحين ماعـدت ابيـك ورجـع اغراضـــي واغراضك اللي معي ماعدت انا ابيهـــا
منتـه على عشـرتي حاكـم ولا قاضـــي والســالفـــه مبطـــي" خابــر تواليهـــا
مافيهـي غيـر الفـراق ومنــه نعتاضـــي خـلاص انا انهيت هالعشـره وماضيهـــا
ماودي اذكــر ولا طـاري مـن الماضـــي وبتعـب علــى خــوتن زينــه وابشريهـــا
وان كان قصدك تخلي القلب يغتاضـــي النـــار ماتحــــرق الا رجـــــل واطيـهـــا