هين مردك للفرج يأكبـر الضيـق
دام الليـالـي تقتفيـهـا لـيـالـي
هي بس تبغى طول صبر وتوافيـق
وأشيل هـم النـاس كلـه لحالـي
وعمر المربط مايسـوق المطاليـق
والحر ماترضيـه غيـر المعالـي
ياصاحبي وإن زاد ظلـم المخاليـق
لاتحسب إن الله عن الخلق سالـي
الطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انه الى الحين غالـي
ياحلمي اللي مالـك اليـوم تحقيـق
حبك حقيقي بـس وصلـك خيالـي
والحب يفضحني وان اخفيته يويـق
وإن مامضالـي بالوفـا مابقـالـي