ياصاحبي مافي المحبـه تخفـي
كلن يحـب انـه يقابـل حبيبـه
شفتك بعيـد وشوفتـي ماتكفـي
ودي احصل نظرتن لـك قريبـه
واجلس معك واقضب يمينك بكفي
واشكي عليك من الغلا وتعذيبـه
لكن وقفت ادعيك وانتـه مقفـي
حتى على نفسي رضيت الغليبـه
ودي اقدم لـك سـلام التحفـي
واسمعك بعض اللحون الغريبـه
لو ادري إنك ياحبيبـي بصفـي
هانت على قلبي كبير المصيبـه
ماودي اذكرلك عيونـي ترفـي
لكن على شان المحبـه صعيبـه