كنت أحسب إني عرفت الحب قبل أعرفك
وعشقت قبل أعشقك وإشتقت قبل ألتقيك
وكنت أحسب إني لقيت أحباب قبل أوصلك
واثري توهمت في غيرك وأنا كنت أبيك
تعال نعطش وتشربني وأنا أشربك
تعال قبل الوعد إجلس معي نحتريك
تعال شفني وأنا أستناك كم أشبهك
يطري علي ألف راي و راي وأحتار فيك
أجي مكان الوعد وإلا أسبقه انطرك
وإلا آخذ الموعد اللي يحتريك وأجيك
يا آخر الحب ذقت الحب في أولك
ويا أول الشوووووق أقصى الشوق ما ينتهيك
علمتني كيف أعرفك لين صرت أجهلك
ضيعتني في متاهاتك وكنت أرتجيك
حبيب الأحلام يا بعدك ويا مقربك
حرااااااام يكفي تبعثرني وأنا أحتويك
إن شفتك بحلم صدقته وأنا أتوهمك
وإن شفتك بعلم كذبته إلين انتشيك
أخاف أغمض عيوووووني وإن رمشت أفقدك
وأخاف أفتح وتصبح حلم ولا ألتقيك
طلال الرشيد - الملتاع