ياللي بعيوني قلي شلـون أبنسـاك
ياكيف أبنسى من سكن في عيوني
كل شي توقعته يجي غيـر فرقـاك
شلون مدري شلون خابت ظنونـي
أقفيت عني وأقفت الـروح ويـاك
هـذا هـو الواقـع ولاتسألـونـي
وش هي حياتـي ياحياتـي بليـاك
يكفيني إن الناس فيـك احسدونـي
ماهمنـي هــذا ولاهمـنـي ذاك
عطيتني قلبك وهـم وش عطونـي
ماتدري إني أشربك وارجع أظمـاك
ومن الظما يبس الورق في غصوني
لولاك أنا ماصغت الأشعـار لـولاك
لولاك شعري ماأعتبرتـه جنونـي
اسمع لشعري داخل الصدر نـاداك
رفعت صوتي والبشـر يسمعونـي
علم(ن)يجيـك وياصلـك ويتعـداك
إن رحت وإلا جيت تسكن عيونـي
إن غبت عني في عيونـي أبلقـاك
وإن غبت أنا داخل عيونك لقونـي
بالحالتين يعني أنا اعشقك وأهواك
وأبعشـقـك إلينـهـم يدفنـونـي