[عاشق الأحساس]

اسمعيني وافهمي قلب(ن)يصون ____ يهمــــل الدنيا ولاهــــــو مهملك
انتي عنـــدي غاليه مهما يكــــــون ___ لايغرك كذب حاقـــــد يوصـــلك
والله اني ما عرفت اقسى واخون ___ والله انك للعـــواذل مسهــــــلـك
البراءه فــــيك والقلـــب الحنـــون ___ لاجل هذا اي كــــــذبه تشغــــلك
لاتخلـــــــين العـــــواذل يفرحون ___ قصدهم واضح ولا هو يجهــــلك
واعرفي ماكــل من حبــك يمــون ___ حتى لو هو من قرايبك وهـــــلك
يعني الهقوات من كذب الضنـون ___ والتســـرع جايـــز انــه يقتـــلك
والمحبه حلمها شخص يصـــون ___ والعاشق استحــــــاله يـــخذلك
قولي للـــــي من ورايـــا يكذبون ___ واثق الخطـوه مشى مشية مــــلك
وذكريهم مهــــما كانوا يخذلــون ___ مثلهم واجد على دربـــي هــــلك
وان تناسوا ذكـــريهم يذكــــرون ___ الزمن يـــــوم علــــــيك ويوم لك