( الدنيا ) !=( كراسي )؟
ياباغي الدنيا ترى الوقت قاسي=( اقسى من الصخرة على صدر مغبون )
دنياً نقلّب مالها قاع راسي=غر ت ضعيف ٍ صار فالوقت مفتون
عشت الزمان وشفت قد شاب راسي=لولا الصلاة إن كان قد صرت مجنون
وقت ٍ مضالي فيه << وقت الكراسي= لا روّح المنصب ترى الناس يقفون
محد ٍ مشى فالوقت مشي إمتواسي=أيام مثل النجم وأيام مدفون
منهو عَرَفْ حده فلا جاه باسي=الصاحي اللي ماخذ الوقت بالهون
خُبره زمان ٍ راح ماهو بناسي=غيّر مسار الناس مع لفة الكون
لف الزمان وكل وقت ٍ بناسي=حي وغَرَسْ عقبه من الناس يجنون
عُمر الفتى بالطيب دايم يقاسي=رجل ٍ ذهب طيبه من العود مدهون
محد ٍ وِزَنْه إموازِنِه للنحاسي=كل ٍ على حده وله ناس يشرون
ياكرسي المنصب فلا انت الأساسي=دام العرب عقبك علينا يشحون
شح الزمان ووقت ماهو يواسي=لولا رجال ٍ شدت العزم بالعون
الصاحب اللي مايجيه إنتكاسي=حزة لزومي سد ماصد بعيون
وقفة رجال ٍ مايجيها إلتباسي=وقّف ولاهو منهم اللي إيتعدون
ناس ٍ تجيك إن كان فيها التباسي=قبل اللزوم إلزوم عندي إيتعشون
واليوم بان الفرق ماهم سواسي=احد ٍ سِكَن والبعض عني يشدون
ياوقت انا بكتب وأملّي الدواسي=فيك القصيده ليت إبه ناس يصحون
ماني مهوّن فيك والله حماسي=هاك القصيد ومُر بي ناس يقرون