بما إني في ((( هالبيت الجميل ))) قلت أجيب معي هالمره [ قصيده ] أعجبتني ونقلتها معي
.
/
:
مح ـــتاج لك بادفي يديني ... من ملامس يديك
هالثانيه بالضبط ... ما أظن الشعور يفوتها
عندي قصيده ودها من خالص إحساسي [ تجيك ]
حتى مع ـــانيها تبي تاصلك قبل بيوتها
قصـــيدة يرجع سببها منك أنت وإليك
وأنت تعرفها من ملامحها ... وبحة صوتها
ياللي بديتك شوووووووق ... كيف أشواق قلبي تنتهيك
وأحلام عمري لافقدتك ... ترجع لتابوتها
إي والله أح ـــبك ولازلت أعشق وصالك وأبيك
وفي خاطري لك هيبة ملوك العرب ببشوتها
لاجيت أبشكي لك ... رجعت وقلت: وشـــلون أشتكيك ؟
وأسكت لو إن جروح قلبي ... ما تطيق سكوتها
كم لي وأنا أنادي عليك أمال ع ـــمري .. وأحتريك
وكم لك تجيب أعذاااااااار من زرق البحور وحوتها
لاتكثر ظنوني علي ... وتكثر ظنونك عليك
نفسي فراقك ضيم حالتها ... وقربك قوتها
أموت لك , أموت منك , أموت معك , أموت فيك
[ ضع خط تحت الموته إللي تعج ـــبك وأموتها ]