الجــــــــزء الخـــامس (20)
-
-
عرفت ريحــــــــة العـــــــطر ...
توترت بقـــــــــــوة غمضت عيونها بألم فظيع
حتى شكل الجــــــــــــــو كان مو غــــــــــريب عليهااا
حــــزيــــــــــــــــن...............
.بائـــــــــــــس ....
جريـــــــــــــــــــح...........!!
قبل تلتفت وتناظر مين ...
دمعت عيونها بقوه..!
وقلبها تألم .........
هم خذ هـــــــمك و روح ...ياصــــــــبر صبرني علـــيه
يكفي متاهــــــــات و جروح .....لا جيــت انهيها ابــــتدي..
والمشكلة قلبـــــــــي معاه ..كل يــــــوم يتجـــــدد غــــــــلاه....
شوف الزمــــــــــــــــن في حالتـــــــي وقف عقارب ساعته ...
شوف الشــــــــــــــــــقا في دنـــــــيتي حصل مونه وغايته
ينسج على حلمـــــــــــــي بيوت تشبه بيوت العنكبـــوت .....
-
-
-
-
-
؟؟؟؟
-
-
في مساحات اخرـرـرى ....
مــــــــدخل :
<><< بيــــن كفــيَ حصــــاد السنـــيـن... و فـي عينـــي ألقَ النصـــر.. و زهــو الصبــايا .. وفي القلب الكبيـــر >><><
" ...في وسط زحـام الأحلام و الآمــال تصطــدم أحــلامي في أرض الواقع
على أمل لقياها فتشــرق الشمس و تغـرـرـرب و أنا ارتقب النـــور !!
و أحكي هموماً لصوت الأمل بداخلي ..
لأرحل عبر الزمن !!
حتــى ترتـــسم معالمـ وجههــا الطــفــولـي على صفحـــة السمـــاء
تشيــــر بيـــدهــا الصغيـــرة ..بإبتســـامة خاينة غـــائـرة لتقـــول
لي وداعـــــــــــاً ...."
حجـــرف في جلــسة مع مشـــاعـره ، هيئته توحي بمقدار الألم الذي يحتويه
كان لابس بيجامه سوداء وشعره طايح بإهمال و منسدح على تلك الأريكة الأثيرة بعد أن اغلق للتو اللاب توب
تذكر تلك المشاعر الصادقة التي وهبها يوماً لها ...
ابتسم إبتسامته التي زادت من جاذبيته وهو يتذكر ضحكهــا..كلماتهـــا
بـــربـكـ حجـــرف ؛)()
()(؛ بربكـ حــوحــو ؛ )() << - - حجرف ابتسم بألم : اشتقت لها فديتها ذي كلمتها لي سنين عنها ياهي وحشتني
حجرف : ياليل التبن أنا كم مرة قلت لك لا تقولين حوحو احس اني لابس فنيلة اصفر بأسود وابيع بمنفوحة او اغسل سيارات
.............: ههههههههه ياحبني لك ياقلبي وش دعوه ترى الإتحاديين هوهو ما يقولون حوحو
حجرف : هههههه انقذتِ عمرك وإلا كان
شهقت ......: كان ايش ...؟؟
حجرف : بسم الله عليك ولا شيء بس اقفل جوالي يومين اخليك تعرفين قدري صح
...........بكت : واهون عليك ....
()( ومن بين الحد الفاصل بين الذكـــرى المكلـــومة و الــواقع الغيـــر مبالي )()
حجرف ضغط الورقة اللي بيده بقوة : كذابة و نصابة ملعون ابو الوفاء اللي اخذتيه ياالـ...
غمض عيونه بحسره و دخل يدينه بشعره بحركة تنم عن ثنايا الحزن التي تفتكـ بمعالمه الجميلة
تنهــد و سحب نفــــس عمـــيق ومن غير شعــور ...ألتفت حصل mb3
سحبه بحركة هادئة تعكس حالته الشاعرية التي لها أكثر من 3 سنين تزوره كل ليل خصوصا إذا كان لوحدهـ
ضغط بأصبعه تاركا للجهاز حرية الإختيار دون ان يبذل ادنى مجهود للتعبير عن حالة مزاجه الشاعري ..
وهاهو الجهاز الجماد يوفق في التعبير عن حالة ذاكـ العــاشق المجـروح بسيـاط الغدر
قهـــــــــر
قهر ما كنــت انا ادري تعيــش في قلـبي كذابه
قـــــهر توي عرفــــت انك على الحبلين لعابه
كذب كانت سواليـــــــــــفك كل كلمه على كيفك
وانا الي احسبك روحي و القلب اقرب احبابه
وفيت لقلبك بعمري بـــك ضحيت بأيـــــامي
لقيتك للاسف كذبه اعيـــش بها مع احلامي
نعـــــــم صدقت كلماتــــك ولا ادري بنــياتك
هذا اليوم انا كلي ن،،،دم من راسي لأقدامـي
خلاص الحين ابي ارحل و انا فـــيني الم غدرك
اباخذ قلــــــبي من قلبك و اخلي قلبك بصدركـــ
بداوي روحي بروحـــــي و بكتم فيني جروحــي
بعـــــيش دنيا من دونك وعيشي بالقهر عمرك
******
سلمان للتو يصل من البر ( سلمان راعي صيد و قنص وشاعر محترف جداً حتى إنه تقدم لإحدى المسابقات في
الدول المجاورة ولكن حال دون ذاكـ عدة أمور جعلته يصرف النظر و يكتفي بعشقه للبر و القنص..ملامحه اسمر طويل << -- كل هالعائلة عمالقة ماشاءالله ^_^ عيونه واسعة مرة وهدبها طويل....
سلمان أثناء ماهو بالسيارة قبل ينزل ألقى نظرة و تفقد سيارات اخوانه ...
سلمان : ياليل التطنيش حجرف وش عنده مابعد راح العرس بيفضحنا ذا مادري متى بيركد ويصير رجال ؟
قطع تذمر سلمان رنين جواله ( نغمة نوكيا )
سلمان بحفاوة : هلا نواف
نواف : هلا بك ياخي مدري ليش كنت فاقد الأمل اني بحصل إرسال عندك هههه!
سلمان : لا ابشرك اني بالديرة وصلت
نواف : وصلت الرياض
سلمان : لا بالصمان او ام سدرة ش رايكـ يعني الليلة زواج اختي و وولد عمي بندر شيء طبيعي بجي لو اني قانص بالسودان
نواف ( يحس مشاعره متناقضة الليلة مره يفرح لإن بندر قطع آماله بزينة و مرة يحزن إذا تذكر شكل زينة هالليلة )
سلمان : ياليل المفهين ياخي منيب فاضي لك ترى توني واصل ولا بعد سويت شيء
نواف : ههههههههه ابشر طال عمرك بس صح بسألك عن حجرف وينه فيه وجوالاته مغقله
سلمان يناظر سيارته : والله اشوف سيارته هنا بس عاد مدري يمكن انه قاطها ميانة ورايح مع هشام او وليد
نواف : اخوك ذا موب طبيعي خير شر منلحس مخه ههههه
سلمان : ايه منتهي مولي الرجال المهم يالله
نواف :يالله في امان الله
-
-
نــزل سلمان يسحب خطــاه و هو يدندن بصوته العذب ...( أيــــوه قلبــي عليــكـ التـاع )
فتح الباب ..
الهدوء يطبع معالمه على ارجاء المنزل التي اكتظت بالبرودة في قمة الصيف وذلكـ بفعل التكييف اللي دوامه 24 ساعة بالصيف ^_^
سلمان اتجه صوب جناحه هو و حجــرف ...
لفت إنتباهــه الضوء الصادر من غرفة حجــرف
سلمان فتح البــاب : حجرف بسم الله
حجرف رفع راسه و رفع السماعات وابتسم : وش فيك شايف جني ههه وش حلاتي اجنن بسم الله علي
( اخذوا بعض بالأحضـــان لإن سلمان من فترة مخيم بالبــر )
سلمان : ابوك يالولد وش فيك موجس شيء !
حجرف عدل جلسته : ابد بس نبي نصير شعار مثلك وشرواك
قاطعه سلمان بخبث : رجعنا نبكي على الأطلال القديمه يعني
حجرف يبتسم : أي اطلال واي تبــن تعال بس قولي علومك !
سلمان : ياخوي ترى مايسوى عليك لو كل من حب بيسوي سواتكـ عز الله اللي دجت الإنسانية
حجرف يناظره : تقولي إنسانية اجل خخخخ وبعدين ياولد الناس لا راحت البر تشين وأنت صاير شيء
سلمان يناظر نفسه : أي شيء الله يخليك هههههه احس اني مشهب ملهب
حجرف : غريبة توقعتك تسحب على زواج بندر !
سلمان : لو هو بندر سحبت عليه بس ترى البرنسيسة صوفيا محسوبة اختنا او لا !
حجرف نزل راسه : ياشيخ اسكت وربي كل ماتذكر كيف زوجوا بندر بالغصب مدري وش يجيني
سلمان : الغبينة وين ..؟ إنها اختنا يعني مانقدر نفزع لبندر و ندشر بأختنا
حجرف : ياشيخ اختنا او ميب اختنا هالحركة ماودك فيها لأي بنت بس الغبينة على قولتك إن أختك المصون هي اللي صممت على بندر
سلمان : يالله الحين وش نقول غير ربي يوفقهم
حجرف : آمين وعقبال عندكـ
سلمان : ههههههههه انا موصي ود بس مدري البنت من حملت وجهها مكتوب عليه لا احد يحكي معي
حجرف : هههههه ياحبني لك يعني
سلمان قاطعه : زانت علومك بس يالله انا بقوم اتسنع واعتقد يبي لي 3 او 4 ساعات وانت انجز
حجرف : منيب رايح
سلمان : عشان يحطك ابوي مندي
حجرف وقف وبين الطول الفارع له هو وسلمان يكادون يتساوون بالطول إلا إن حجرف أطول بقليل
حجرف : على متى واحنا ضحايا هالقرارت بالله عليك لو انت بمكان بندر وش بتسوي ؟؟
سلمان : طيب ليش ماقلت لو إنك بمكان صوفيا ..؟
حجرف ضحك بهستيريا تعكس كمية حزنه : تقنع عمرك او تقنعني إنت بالذات يا سلمان عارف صوفيا يعني ..
سلمان عصب : حجرف الظاهر انك شارب شيء الليلة ؟
حجرف ابتسم : يالله طيب لا تجيك ام التكرن وتحوسنا انجز
سلمان : بنجز إن شاءالله بس ترى لي معكـ جلسة قريب بإذن الله
حجرف : مسوي جورج قرادحي انت ودماغك ذا ياخي انا ذالشخصية منيب بحبها احس تشخيص مهايطية
سلمان : مين اللي يتكلم البطاقة لو سمحت ...
حجرف : ههههههه ظالميني وربي كلكم انا متواضع وبسيط جدا جدا
سلمان يضحك : عشان جدا جدا ذي اني احرص على اني احشرك باقرب وقت واشوف وش وراكـ ؟
حجرف يلتفت وراه : جدار
سلمان بطفش : جدار يصككـ قل آمين
حجرف : ههههههه يالله بس انجز ياخوي
طلع سلمان لغرفته وهو مازال يتأمل ملامحها الراقية و لمسات الذوق العالي ...
ناظر المكتب الفخم الذي يتصدر بداية مدخل غرفته ولمح صورة ابوه
ابتسم سلمان بألم وهو يتامل من ملامح ابوه ملامح أعمامه كلهم بالدور !
(()( يا ترى وش كبر حجم فرحتكـ الليلة يبه بمناسبة زفاف بنتكـ الدلوعة اللي ما ينرفض لها طلب صوفيا بنت سميحة )()(
نزل عليه إلهام شعري قوي طلع معه ببيت قوي جداً
اتجه لأقرب ورقة على المكتب و كانت ليست ورقة إنما صورة لبنــــــــدر مبعثرة على مكتبه
مسكها سلمان و كتب عليها هالبيت الشعري اللي طلع معه ...
حجرف : يالله تأخرنا يارجال
سلمان ماسك راسه بقوه : طيب شويات وجاي بإذن الله
حجرف يعرف هالحالة التي تنبؤ عن حالة إسترسال سلمان بالشعر
حجرف قرب و سحب الصورة : موب وقتك واللي يرحم والديك مشينا بس
سلمان تنهد : ياخي والله مدري وش جاني حسيت فيني مشاعر مابي اكبحها
حجرف : نروح الحين واقصد بالعريس على كيف كيف ام الجيران بعد ..
-
-