[؟ فلسفة شاعر ؟]

ياراعي العليا لك الحرف بهديه ..

وانت اللذي حرفك يجي دوم مسبوك ..

الشعر عندك ميزته في معانيه ..

وبعض العرب حرفه كما (الراب) و(الروك) ..

البارحه نومي عجزت اهتني فيه ..

مانمت طول الليل كني على شوك ..

هذا الزمان اليوم بانت خوافيه ..

والطيبين اليوم صاروا له علوك ..

وشربوا به رخوم الرجاجيل صافيه ..

وقاموا يرصون الملايين ببنوك ..

لاحصل ريالا ! ولا اخوه قافيه ..

وتملكوا كل العقارات بصكوك ..

وقت(ن) على اهل الطيب تذري سوفيه ..

وبدربهم صارت عراقيل وشبوك ..

عزي لمنهو صار وقته مجافيه ..

واليا جفاك الوقت الاصحاب خلوك ..

يالله تقدرني على الطيب ووفيه ..

وتغفر لنا يا غافر الزله ارجوك ..

انت الوحيد اللي ما خاب الرجا فيه ..

تفرج لناس (ن) طالبينك وطاعوك ..

اهداءء خاص لراعي العليا ...
اهل الشمال لهم معزه وتقدير
لاني خاويتهم واكثر اصدقائي
من الشمال ومليون ونعم ولا يكفيهم ..
وانا والله ياراعي العليا بامكاني ان اسند
هالقصيده الى اي شاعر ...
لكن اخترتك وانت كفو .. والعذر والسموحه على القصووووور