وقف ولا ترمي وداعك بالأعيان
ـــــــــــــــــــــــــــــــــــــــ محتاج أنا لذرة أمل في سنيني
هذي تفاصيل العمر وسط الأجفان
ــــــــــــــــــــــــــــــ واصور واماكن في عيوني تجيني
والله من تطري وسط عمر الأحزان
ــــــــــــــــــــــــــــــــ كل الفرح مــن لــــون وجهك يجيني
مثل المطر يركض على الأرض ولهان
ــــــــــــــــــــــــــــــــــــــ هـــذا إنت دايـــم بالـــوله محتويني
يكبر غيابك لو كبر وسط الأشجان
ـــــــــــــــــــــــــــــــــــــ يكبر معه في شوق عمري حنيني
الماي في قلبي من الشوق كثران
ـــــــــــــــــــــــــــــــــــــــــ صبيت دمعي وشفت قلبك بديني
قلت أحضنه في وسط اديني على شان
ــــــــــــــــــــــــــــــــــــــ مايلمس أطرافه حزن من ونيني
حتى ولو أخترت فرقاك عنوان
ــــــــــــــــــــــــــــــــــــــــ يكفي بديني قلب عمرك يبيني
ماهي حكاية إنت رابح وخسران
ــــــــــــــــــــــــــــــــــــــــ أو هي حكاية ياأبيك وتبيني
المسألة روحين في داخل انسان
ـــــــــــــــــــــــــــ شفتك رحلت وشفت روحك في عيني
غمضت أرد الروح من خلف الأجفان
ـــــــــــــــــــــــــــــــــــــ عشان أصدق كذبة إنك تجيني