شوفني طفله بكفين الورود
مادرى منهو شايل الثاني بكفوفه
كلنا كنا ورود بـلا حدود
منهو فينا الورد لو تقدر تشوفه
أسأل العصفور عن سر الوجود
وش يخبي من أمل في وسط جوفه
أسأل الشمع الذى ضيه يسود
ليه رغم الموت مايحني وقـوفه
شوف هالصوره ترى ماهي جمود
مثل عمــري تشبهه باكثر وصوفه
حس في قـلبي وخفقاته تـزود
لا تلعثم باسمك وضاعت حروفه
لي متى أبقى سجينه بالـقيود
عا لمك مافيه شئ من المروفه
صرت أعيش بصورتى بين الورود
طفله تعيش الجمال ولا تشوفه