يالهاجس اقرب دعاك اليوم لي داعـي
اقرب وهات الجزال اشكال وانواعـي
حضر جيوشك وصف الجند يالهاجـس
وانا علي احظر اوراقي مـع ايراعـي
قال انت شاعر وانا تحت امرك وطوعك
اضرب بحور القصيد وغوص للقاعـي
واستخرج مـن البحـر دره ومرجانـه
وافتل بيـوت القصيـد بفـن وابداعـي
اول ماتـبـدا بـذكـر الله سبـحـانـه
حيث ان في ذكره الشيطـان ينزاعـي
واختر بحر للقصيـده واحسـن بناهـا
واختر مجالـك وبيـن فيـه الامتاعـي
والمفـرده بالبسـاطـه دوم وشحـهـا
ماكل شخـص بيسمـع فاهـم وواعـي
والقافيـه حـاول انـك مـا تجاهلهـا
اختر من اللي لهـا رنـه بالاسماعـي
واختـم بذكـر النبـي اللـي بعثـه الله
صلاة ربـي عليـه بعـد مـن طاعـي
قلت اي نعم . بس من هالوقت يسمعنـا
مادام جزل القصيد بهالزمـن ضاعـي
قال انت حاول توجـه كـل مستشعـر
اليـن توصـل معـه لاحـد الاقناعـي
ان كان طاعك فهذا شـي يحسـب لـك
وان كـان عيـا فخلـه للزمـن ياعـي
قلت اي نعم وابتديـت بذكـر خلاقـي
اللـي اناجيـه والعـربـان هجـاعـي
يالله يامن جميـع الخلـق تسجـد لـك
ياخالـق الكـون يامعطـي يامنـاعـي
يـارب طالبـك توفيقـك ورضوانـك
انته ولاغيرك اللـي تعلـم اوضاعـي
من بعدهـا خـوة ماهـي علـى مبـدا
تثر على الرجل وتزيد ابـه الاوجاعـي
وانـا طعنـي خـوي لـي بسكيـنـه
طعنة ظهر من سببها القلـب مرتاعـي
ياحسرتـي يانشامـا ضـاع معروفـي
اللي فعلنـا بقليـل المعرفـه ضاعـي
ماهوب واحـد ولاخمسـه ولاعشـره
لاكنهـا فيـه راحـت دون مرجاعـي
خمـس سنـوات وحنـا معـه ونعـده
ونحسّب انه علـى الطـالات جزاعـي
واثره عقرب رمل لارحـم ابـو حيـه
واليـوم والله لافتـل لـه بالاصباعـي
خلاص ياهـن رح دور علـى مثلـك
اعلنت عـن خوتـك ياهـن الاقلاعـي
انـا خـوي الخـوي اللـي يخاوينـي
على الوفا والكرم في كـل الاصقاعـي
خويـي اللـي يقـدرنـي ويغليـنـي
اليـا نخانـي بيـوم جيـت فـزاعـي
أقـف معـه فالرخـا واجيـه والشـده
وقفه تجمل ماهـي وقفـه بـلا داعـي
وروحي ومالي فداه وكـل مـا املـك
وما راح عنده فـداه بـدون مرجاعـي
وصلاة ربي علـى محمـد رسـول الله
عد السحاب وعـدد ماهـب ذعذاعـي