حبيت ادلو بدلوا في هالموضوع ،، اولا وقبل كل شي نقول ان الواحد قابل باللي الله سبحانه وتعالى عطاهياه واللهم لا اعتراض على ما قدرته لنا ،، والي يعتبر اكيد افضل واخير شئ لنا ،،،
لكن لو قلنا انها تخيل ومسألة مفاضلة بين الولد والبنت ،، فأرى ان البنت لها مميزات كثيرة وكبيرة يعني لما يقولون بنت كنهم يقولون الدلع كله لها والحنان والاشياء الزينة ،،،، ناخذ مثال عشان أوضح رأيي ....
1- لما تخطي في الطفولة حتى لو كان خطأ بسيط تلاقي انواع الكفوف والتلزيخ على وجهك ، ولما تخطي اختك ينادونك من اخر الدنيا عشان يهاوشونك قدامها بس ويجهون الكلام لك انت حتى لو ما كان لك دخل !! واذا قلت وش دخلني طيب قالوا انت الرجال !! وجع لعنبوها رجوله مابيها ..
2- جميع اعمال البيت الشاقة من شيل وحط على راس الولد !!! ( ليش ؟ يحسبونه ثور مو ولد الظاهر ) من شيل اسطوانات الغاز والدواليب وغيره وغيره!!! 2 واذا قلنا شئ قالوا البنيات مسيكينات ما يقدرون يشيلون الاشياء الثقيلة !!!وكسار ان شاء الله ،،
3- جميع الكرف والمراجعات الحكومية ومقابل هالوجيه الودرة في الدوائر الحكومية على عاتق الولد !! وماتقدر تقول شئ لان مافيه دوائر حكومية نسائية لكلش وهذا واجب عليك ! ليما الله يحلها وتكون كل الدوائر الحكومية نسائية مية بالمية ( اية طيب ) .
4- تعتبر الرأس الكبيرة ( خصوصاً اذا الله بلاك وصرت انت الكبير ) وعليك كل المشاكل والمشاحن فوق راسك ـ هذا سوا وهذا فعل !! ـ وانت طبعاً عليك انك تحل المشاكل كلها يا طويل العمر وتنضغط نفسيا على اشياء تسوى واشياء ما تسوى !! اما البنت مرتاحة مالها ولا عليها .
5- طلبات البيت انت اللي تجيبها ـ وياويلك ان نسيت شئ ـ انواع النظرات الحاقدة تواجهها لما تدخل البيت لو نسيت حاجة بسيطة بس !! وحط في بالك انها من جيبك الخاص بعد ، يعني شينين وقويين عين !! ومايسبب المشكلةالا البنت لان الطبخة ماراح تكتمل بدون المقادير !!
6- من مسئولياتك انك تجلس مع اهلك وتوديهم وتجيبهم ، يعني لازم تخصص لك وقت فوق مشاغلك كلها عشان تنطق عند اهلك شوي لايحسون بفجوة بينك وبينهم !! يعني حتى الجانب النفسي لازم تراعيه ، اما البنت الزم ماعليها تراعي نفسيتها اهي بس!!
7- اذا افتكيت وتزوجوا اخواتك ، وصلتك مشاكلهم وانت في بيتكم ، ولازم تدخل وتحلها مع ازواجهم !! علاوة على طلباتهم الي المفروض انك تنفذها لما يطلبونها منك عشان ما تجرح شعورهم !! ( وازواجهم وش شغلتهم جعلهم الكسار !! ) .
8-اذا تخرج الولد من الجامعة لازم يشتغل اي شغلة لو ان شاء الله غسال سيارات ( مع اني مؤمن بأن العمل مهما كان مافيه عيب ) بس لازم تشتغل اي شغلة عشان تكد على عيالك اللي مبعد جو !!اما البنت فلها الخيار اما انها تتفرشط في البيت على سريرها وأما انها تشتغل عشان تتسلى وترفه عن نفسها !! والله حالة !!
وعشان ما اطول بقول ماخفي اعظم ،،،،،
اما البنت اكبر همها واقصى ما يصل إلى عقلها من مشاكل هو ( وش البس اليوم !!!! او وين بنروح له !! ولا فلانة قالت وفلانة سوت ) ....مخققين انفسهم يعني من جد
واذا طلع الواحد شوي بس مع اصدقاه قالوا انتم تطلعون وتجون وعندكم حريـــة ،، اي حرية واي نيلة ... حتى هاذي حاسدينا عليها !! ووجع
الله يخلف علينا وبس
مجرد رأي:D