استأذنك) بسافر أيام واجيك
وإن طال أيام السفر لاتحاتي
حتى ولو طولت ماني مخليك
ياللي بدونك وش تسواحياتي
تامر على حاجه؟بودعك واخليك
عسى عوض الأيام في المقبلاتي
حتى يدي ماودها تفارق يديك
ساكت وانا اشوف البلا في سكوتي
ماشفتيني لارحت منك التفت فيك
بلاي والله روحتي والتفاتي
لكن قبل لاأرحل ودي اوصيك
وانت الوحيد اللي يقدر وصاتي
لحد سألك وقالك وين مغليك
قله لوازم لاقضاها بيأتي
وإن طرو النسيان مانيب ناسيك
ياراس مالي في الحياة وغناتي
شف في غيابي أي حاجه تسليك
لأني بعدك اسلآ مع ذكرياتي
أحاول اذكر اي شئ يطريك
واقول هو سوء وانا ذي سواتي
كني موادع كل شئ حواليك
كني حسبت احساب حزت وفاتي