ياحبي افهم انك بخافقي شـــــــــي
وان العيون اللي تحبك " سهــــارى "
ياضي عين اللي يحبك وياضـــــي
كل الدروب اللي بعيني " حيــــــارى "
انت الذي مايشبهك بالملا حــــــي
مالوم من سمّاك سيد " العــــــذارى "
يابو عيونٍ كل ماناظرت فــــــــــي
اتوه وسط الناعسات " الســـــكارى "
:
لاشفت وجهك قلت ياحي وياحــــي
وجهٍ كساه النور مثل " النـــــــهارى "
انت الحبيب اللي رويت الحشا ري
تروى بك عروقٍ لحبك " تـــــــــبارى "
في غيبتك ارسمك لامن طرى لــي
جمالك اللي يستحق "افتخـــــــــــارا "
مدري متى برتاح ياوردة الحــــــي
واشوف همي بعد شوفك " تـــــوارى "
:
يمكن ليا شفتك نزح همي شــــــوي
ويمكن ليا شفتك جروحي " تــــــدارى "
والا انت تدري انك النور والفـــــــي
وانك يمين ودرب غيرك " يســـــــارى "
انت الذي مايشبهك بالملا حـــــــــي
مالوم من سمّاك سيد " العــــــــــذارى "
واكبر دليل ان قلت في خافقـــي شي
ان العيون اللي تحبك " سهـــــــــــارى "
: