بكت صفحات عمري يالمسافـر ويـن=دمـا نحـر الغيـاب ادبـارة سنينـي
حمل عذق الجفى هـم وشقـاة وبيـن=تسربلـت القنـوط الـلـي مكفّيـنـي
تداعت كل أعضـاء الزمـان الشيـن=دخيـلـك يامـقـفّـي لاتخلـيـنـي
عجـول وتبعـد الدنيـا علـي غاليـن=هجيـري حـال مابيـنـه ومابيـنـي
أنـا والجـرح قضّينـا ثـلاث سنيـن=ولا أثمر قرب فـي غرسـة بساتينـي
نما بأرض السكوت أبسل صبر من وين=من البعد وعلـى مـا أقـوم يردينـي
تغربـت وكتبلـي حظـي المسكـيـن=وأنـا لـو أنتهـز ماعـاد يمديـنـي
وحيد الشوق وإن قالوا تـرى للحيـن=يهز الوصل مـن غصنـي عناوينـي
لمحت من السعـادة بالدجـى برقيـن=وأحـس البـرد بأحضانـه يدفيـنـي
وأنا كلـي وَهـم سبـة زمـان الديـن=أسددلـه ويعطيـنـي مــن يديـنـي
أحس إني حوى صـدري كـذا قلبيـن=وأسلـي خاطـري لــو مايسليـنـي
أدوّر ضحكتي عايش علـى التخميـن=يصيـح الصمـت وأكتبلـه يهجيـنـي
ضميت القرب من مـدة ثـلاث سنيـن=وأنا بإسـم الغيـاب أعيـش للحينـي