اغليه يعني اعشقه يعني اهـواه
يعني احبه حب ذربـا خطاويـه
يعنـي امـوت بدنيتـه وآتمنـاه
ودي اكون اقرب من اقرب محبيه
يعني اشوفه دمع واسكن حنايـاه
واشيل برده عن ضلوعه وادفيه
يعني سكوني به ترانيـم لخطـاه
واسكونه بقربي من الطف معانيه
يعني كذا قلبي مع الروح تبغـاه
لا عطّر اجوائي بكامـل نواحيـه
يغيب وقتي به وعينـي تحـراه
ويلوق سهري في حراره تفانيـه
يخاطب احساسي بصافي نوايـاه
وآجف دونه ما روتني طواريـه
لو تنكره نفسي فلا النبض ينساه
ناهيك عن وجد ٍ صدق في توانيه
مشراع حبي في المداهيل باقصاه
ماغيره يسوق الوله في موانيـه
موجه يكر الغيم عن شط ذكـراه
ويشّد به سيل ٍ خضع في مجاريه
اعيش تحت ارضاه ياجعلني افداه
وارقى معا طعن الزمن في ثوانيه