[عبدالرزاق خلف]

يعني ببساطه تغيب وتترك عيوني = من كثرة الشوق تخنقني بأحزاني
يعني ببساطه تغيب وينخطف لوني = وتصبح عيونك من الأحزان عنواني
أنا توقّعت إنّك محور لكوني = شوف الغلا يا حبيبي لوين ودّاني
كنت أحسب إنّك مثل ما أهواك مجنوني = عصفور ولا يمكن يهاجر عن أغصاني
ما أحسب إنّك تطيق الفرح من دوني = كنت أحسب إنّك مثل محبوبك تعاني
ما همّني لو جميع الناس حبّوني = يكفيني إنّك لوحدك بس تهواني
الواقع المر صحّاني من جنوني = كنت أتوقّع بأنّه صعب نسياني
أنا توقّعت كل الناس ينسوني = إلا أنت ما كنت متوقّع بتنساني