احب الحب من حبك.
--------------------------------------------------------------------------------
((اهداء))
امسي ياندى الورده, امسي يا عساك بخير
امسي صفحه بيضا تلالا بين وجدانك
*
اشوفك وين ما لديت اشوفك في عيوني غير
عكستي صورتك فيني وقلبي صار حيطانك
*
ابي همسات تطربني ابي كلمات بالتصغير
ابي يا ملمس الولو حنان بان بغصانك
*
ابي ضلك ابي شمسك ابي حب بلا تقصير
ابي من شوقك الوافي بقايا العمر بحضانك
*
احب الحب من حبك, وسقاني الحب بالتقطير
غرستي عرسه فيني ورعاها القلب من شانك
*
احبك لو عصاني الوقت, احبك لو عكست السير
احبك وين ما كنتي وروحي دوم بوطانـــــك
*
احبك يانظر عيني ومهما صار خل يصير
احبك والفكر حاضر وزماني وافق ازمانك
*
*
*al-shehri