كنت انا احسب وعودك دين لكن خساره
صار وعدك وعهدك هـرج مـاله اماره
لا عجب لو وعودك مالها فعل مشهود
ارض تزرع خشب ماضنها تزرع العود
اعرفك من زمن وانته بحبلين تلعب
دون مبداء وتتاقلم مـع كل مذهـب
والنهايـه فـعالك مـالها اي مردود
ارض تزرع خشب ماضنها تزرع العود
لاتـحاول تـغالطني بمـنطق لسانـك
روح دعني لشاني وانت روح بعد شانك
كـل واحد وله دربه وله خط مرصود
ارض تزرع خشب ماضنها تزرع العود
من زمن قد عرفتك وانت دايم مخادع
مـامعك فعل يـذكر ارثك الامواجـع
لازم انك تحاسب عن افعايلك السود
ارض تزرع خشب ماضنها تزرع العود
لو تحاول تغير من طباعك وترجع
طبع لانسان دوما مايحيله تطبع
كل من شب في شي ظل به دوم موجود
ارض تزرع خشب ماضنها تزرع العود