أزعل على كيفك ولانـي مراضيـك
ما صرت أفرّق بين زعلك ورضـاك
خلّك كذا تزعـل وترضـى تماتيـك
ماني بعايشلك على كيـف دنيـاك
هوّنت أنا من يـوم هـذي مباديـك
النفس طابت منك ما عـاد تبغـاك
منتـه مهنينـي ولا نـي مهنيـك
ماني مضيّع باقـي العمـر ويّـاك
دوّر طريـق بعيـد عنـي يوديـك
روّح وتلقـى بالهناديـب شـرواك
تلقى غريب أطوار مثلـك يهاويـك
الله يعيـن اللـي تـودّه ويهـواك
والله يعوّض قلب من كـان يغليـك
ويسوقلـه منهـو يخليـه ينسـاك
جعل السحاب اللي معه سيل قافيـك
يسقي ديارٍ ما أرتوت بعـد ماطـاك
ما عاد أبي شوفك ولا أسمع بطاريك
أحس كبدي تنقلـب عنـد طريـاك
يافاقد الإحسـاس بانـت مواريـك
ماني بذارف دمعتـي عنـد ذكـراك
أندم على وقتٍ مضى كنت معطيـك
قلبي ولا به شي فالقلـب يخفـاك
اليـوم زال اللـي بعينـي محليـك
ما عاد باقي بالصدر غيـر شلفـاك
خذهـا وروّح لا تقـرب مماشيـك
لا شوف زولك جاي وتسحّب خطاك