ياخاطري .. مايفيد الضيق والحسره
والحزن قتال لاهبت اعاصيره
لاتحسب اللي جرالي فالهواء كسره
الغصن عايش ولو طارت عصافيره
ياصاحبي من سوايا القلب لاتشره
القلب باقي على ذكرى مساييره
من قسوة البرد عندي للدفاء جمره
جمرة غضا تشتعل بالهم والحيره
احيان اشوف الخفوق يحب مايكره
ويجيب لجله عذر واقبل معاذيره
واحيان اشوف الجفاء يطغى على صبره
يهز عرش الضلوع ومالقى ديره
ياعين قلبي بترحل كمل السهره
ماراح نلقى من الاحزان تأشيره
ولاتحسب اللي جرالي فالهواء كسره
الغصن عايش ولو طارت عصافيره