اقتباس المشاركة الأصلية كتبت بواسطة العـ راعي ـليا بيّنت ! مكنون الخواطر! و ولّيت!=وكلٍ يبي يظهر مع الوقت فدّه مدري علامك! تهت! وإلاّ تناسيت!=بإن البحر يغرقك جزره ومدّه! يوم انها يمّك تضبْضبت واقفيت=واليوم اشوفك جردِ سيفك تحدّه اتشوف غيرك ‘ صورتك بالتواليت!=وتحسبه مثلك! خايبٍ دوم سدّه! احذر! تنبّه! ياغبي! كان مرّيت=بيديك حبلك حول عنقك تشدّه! علتك ! ما عنها دواء لو تداويت= دايم معك في داخلك مستجدّه مكشوف حالك! تحسب انّك تواريت!=تسلك طريقٍ غادين من يكدّه! دربٍ مشيـته مرتزم بالدِناميـت=خلّه ! وتلقى سهلةٍ مجرهدّه لا تشعل النيران من عود كبريت=وان ولّعت بارودها من يصدّه! انتاج فكري لو يخمّك تلاشيـت=تصبح عقب ما كنت! كبر المخدّه! رجل(ن) لو انك بالخطا بحقّه اخطيت=يحسن بك النيّه ولا بان صدّه يرفعك فوق بخوّته كان خاويت=متين ساسه من متن ساس جدّه ورجل(ن) خبيث! وهش ! يعني فتافيت!=يثوّره لو ينهزم لعب شدّه يبلاك في شرّه لو انك تحاشيت!=معه القرين اللي عن الخير لدّه! دوّنت مما جال بالراس وابديت=قولٍ لشخصٍ ما استحـى منـك! بـدّه تركت لك ! فيها للايام مانشيت!=(كلٍ يفصل له من الخام قدّه) نعم ,,, كال ن يفصل له من الخاااام قدّه جزل يااااا رااااعي العلياااا قصيدة مافيها كلاااام وااافية من شااااعر وااافي لا هنت تقبل تحيااااتي وتواااضع مروووووري