في عز ماكنت أهوجس فيك وافتح لـك
أبـواب قلبـي خذتنـي رجلـي لبابـك
وجيتك وأنا مااذكر إني كنت رايح لـك
بس اذكر انـي كـذا لاطـول غيابـك
ياما ترددت مدري كيـف بشـرح لـك
أجيك وارجع .. أبيك تقول وش جابـك
ياابن الأوادم تـرى مليـت ألمـح لـك
أنا أعزك .. وأحبك .. واعشق ترابـك
لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك
ان كـان ودك ترسيّنـي علـى كحلـك
لمّيت عمري .. وخاويتك على أهدابـك
لكن قبل تنجرف .. حبيت أوضـح لـك
مستقبلي في يدينك .. وأعمل حسابـك
لوضاع مستقبلي مانيـب سامـح لـك
يكفيني الماضي اللي ضـاع بأسبابـك
.
.