صدفة تصادفنا على الحسن سلمت
و كـّبرت للي من بهى الوصف تمّه
من بعد ما هو قد لحظني تقدمت
يّمه أنا كلي تهاديت يمّه
من عادتي لا شفت زوله تبسمت
قالت : أكيد مسويٍ لك مطمّه
ظنيتها قالت : علامك تبسمت ؟
قلت : العفو كان البشاشه مذمّه
قصدت أمازحها و بالحيل ضخمت
منطوقها ، هّمي من شفاه بسمه
قالت : تبلاني وأنا ما تكلمت
ما قلت كود أنك مسوي مطمّه
والله ترى باشكيك ياللي تظلمت
حتى يذوق الظلم كـّيال ظلمه
ضحكت من شفت الغضب حّد سجمت
مثلي ضحكت ، قالت : ولا فيك رحمه
فجأة نوت قالت : طرى لي و عزمت
ودي أقدم لك بيمناي خدمه
ما وّدك بقهوة ولو قمت ولمت
فنجان كيفٍ تنتشي من تشمه
قلت : المصيبة من كلامك توهمت
أنك تهمين بمماتي مهمّه
يا قو قلبك كان حيلتك سممت
كاسٍ يبيد الروح قـّـتال سمّه
هاتيه كاسك باشربه عاد لو مت
الموت من سيد الغنادير نعمه
قالت : تفضل قهوتك لو تكرمت
أشرب تراني لك صنعته بذمّه
و شربت من كفه إلى ما تبلمت
كاسٍ ينسي صاحب الهّم همّه
تمزح معي بالموت ياللي تزعمت
عرش العيون النعّس المسلهمّه
لا يا سواد الرمش لأرمشت عتمت
ظلٍ مواصيله إلى حّد فمّه
ولا يا اللثام اللي من الحسن لثمت
بدرٍ يجّر النور بأطراف كمّه
سبحانك الله من فضايلك كومت
مع زود لطفه اجتمع خّف دمّه
ياللي عن دروب المزلات قد شمت
واللي نوى لك شين شرٍ يخمّه
وسط النوى حارت حروفي و تمتمت
و كنيت أنا شيءٍ ضلوعي تلمه
قالت:علامك؟ قلت: أبد، بس أنا همت
وأخاف أجيب العيد من فوق قمّه