البارحه كني اهيم ابليل واغازل قمر
كن الهواء يجتاحني والقلب ذيبن له عوا
جاوب ندا مدري بكا بس الاكيد انه سمر
وسط الرياض اللي يداعبها ذعاذيع الهوا
ليل ونجومن بالسماء وانا على جال الجمر
اقند ادلال الغلا واستغفر الله لاغوا
فاحة دلال الشوق والهاجس قدوعه من تمر
كيفه كذا خلوه يقدع ثم يكيف ماهوا
من بعدها يسري ويجلب مايطيب امن الثمر
وماينتقي غير الجزال العاليات المستوا
اعروق قلبي ضاميه واشواق قلبي تنهمر
كذا كذا مدري ولاكن خافقي تو مرتوا
والشوق صاحبلي وفيّ يزداد مع طول العمر
وانشهد انه علت الخافق وللعاشق دوا
والفارع اللي نورها غطا على نور القمر
ماينعش الخافق سواها من بعد ماهو ذوا
هي مصدر الهامي وانا شاعر وهي تامر امر
تامر وانا البي ولاني قايلن مالتس لوا