مساء الخير يا اروع مسـى يستوطـن ايامـي
مساء الورد ياوردة هـواي واطيـب علومـه
هلا بك ياشقيق الروح هلابك مصدر الهامـي
هلابك ياعطر عمري مـع ريحـه ويشمومـه
عليك الله لو تدري بدونـك توقـف احلامـي
تموت بكف راعيها وهـو ميـت قبـل يومـه
احبك شي ماتوصف مقامـه اصـدق اقلامـي
احبك حب بك روحي مابين النـاس مغرومـه
احبك كثر ماتمشي على درب العنـى اقدامـي
احبك كثر ماتحلـم ورى القضبـان مظلومـه
احبك كثـر مافـارق حبيبـا صاحبـه عامـي
احبك كثر ماهنـى المطـار بصالـة قدومـه
احبك كثر ماتخدع عيونـي اقـرب اوهامـي
احبك كثر ماترجي الصحاري غيـث ديمومـه
احبك كثـر ماغـرد حمـام الشعـر بأنغامـي
احبك كثر ماجف المطر مـن شحـة غيومـه
احبك كثر صفحات الحزن في دفتر اعوامـي
احبك كثـر افراحـا غـدت ويـاي معدومـه
احبك كثـر ماغنـى المغنـي وقلـب آلامـي
احبك كثر ماحرك شجوني الشعـر وسلومـه
احبك كثـر ماماتـت امانـي العمـر قدامـي
احبك كثر ماضاع العمر مـن كثـرة همومـه
احبك كثر ماتسهـر عيـون النـاس وتنامـي
احبك كثر ماعاشـت نفـوس بجـد محرومـه
احبك كثر من يشري بلا حاجـه ولا الزامـي
احبك كثر من بـاع وتهنـى بـأول السومـه
لك الله اعشقك اكثر وانا اللي فيـك ماانلامـي
احسك نـور هالدنيـا وليلـي واروع نجومـه
كأني من كثـر حبـك مثـل انسـان بهيامـي
يعدل غترته من قبل لا يلبـس باقـي هدومـه
ابيك واقسـم بربـي احبـك حـب اسلامـي
حسب نظرة هل التشريع هذا الحـب وعلومـه
مساء الخير والطيبه مسـاء النـور واحلامـي
مساء اجمل مسى قد مر على صاحبك من يومه