اقووولي للي ببالـــــــي
يا ليلً ظلامك ساد وارخـى سدولـه
تعبت اسهرك واحاول اجمع شتاتـي
سنيني مسلسل كـل عـام بفصولـه
مشاهد وتعرض ضمن قصة حياتـي
يمثل بهـا الحرمـان دور البطولـه
وضيف الشرف فيها الامل وامنياتي
ياصبري على وقتي وشيل الحمولـه
اصارع ظـروف ايامـي القاسياتـي
تعاملنـي الدنيـا بلـيـا عمـولـه
وتاخذ من افراحي ولا قلـت هاتـي
اقيس الشقا كلـه بعرضـه وطولـه
بعد صابني حظـي برمـح الزناتـي
على ماضي الذكرى اخذت الي جوله
ادوّر على صـوره لبسمـة شفاتـي
لقيت اخر البسمه في سن الطفولـه
هذا اللي لقيته بـس فـي ذكرياتـي
ياوجدي وجود اللي نسى الناس حوله
غدت راحته واخطا طريق النجاتـي
في ليلً ظلامـه سـاد وازداد طولـه
ياسعد العيون اللـي بجنحـه تباتـي