الحب ماهو بـس قصـه قصيـره
نقعد نسطرها على بيـض الأوراق
الحب برد القلب وقـت الظهيـره
حرفين طالت واعتلت فوق الأفاق
الحب خلا العيـن دايـم سهيـره
احساس مايغفا سوى عند الإشراق
الحب قـرب بيـن ديـره وديـره
ربط قلوب الناس وارخت له اعناق
الحـب كلمـه والمعانـي كثيـره
معناه هم وفرح واحزان واشـواق
الحب فـي الانسـان مايستشيـره
يحببـه بانسـان ماهـو بعشّـاق
الحـب حالـه والمحبـه كبيـره
وش قد ماتمشي على ضوالأشفاق
الحب ثـوره وانتفاضـه وحيـره
شعور دافي يمه النـاس تنسـاق
الحب طفله في صباهـا صغيـره
تكبر مع الايـام وتهـز الاشـواق
الحب شي(ن) ماخفى في السريره
واضح على كل الملا بيّـن رفـاق
الحب فينا احنـا بنـات الجزيـره
حب الوطن حب الديانه والاخـلاق