يا فيافي عينها وين المقيل
ليت ذاك الرمش من دونك ظلال
ضاعت ادروبي وضيعت الدليل
وملت الخطوات من كثر السؤال
*********
أنت خلقة وانطبع فيك الدلع
وايش له تدلع زود اتعبت القلوب
لا قلت (اه) كل من حولك فزع
ولا قلت (اااااه) كل من حولك يذوب
*********
أسعد الله صباحي وابتدأ فيك
ويومي اذا يبداك ما عاد يمسي
حتى سنيني الماضية تحلم تلاقيك
ليت الزمن ينعاد وتزور أمسي
*********
غض طرفه يوم شافتني عيونه
ثم ناظر في عيوني ثم هلاّ
ما تكلم يستحي لا يسمعونه
وأرسل النظرة تعذبني وتسلا
*********
كم مرة(ن) عزمـت أرحـل واخليـك
ولا جات لحظة وداعك اغلط واهلي
كني على وقـت المفـارق الاقيـك
وكني وأنا ابعد عنك اوقف محلـي
*********
سافرت في ملامحها وغربت النظر
ما بين بحر عيونها وليـل الجديـل
كيف اجتمع في وجهها شمـس وقمـر
وكيف التقى في وجهها صبـح وليـل
*********
غنوا جروحي واعزفوها قصايد
ما دام جرحي لا تهيض طربها
يتعب هواها وحبها حيل كايد
ترقص على جرح القلوب وتعبها