السلام عليكم ورحمة الله وبركاته
اتمنى ان تنال على استحسانكم
رمشك الساجد
.
.
.
.. تعالـي .. بـس ابا حكي لـك ســرٍ بيـنـي وبيـنـك=تعالي .. بس تو النـاس / تعالـي .. اخـذ احوالـك ..
.. تعالي .. لعنبو جـدك / وجـد / جـدك / وجدينـك=تعالـي .. لعنبـو فـالـك .. فــال الله ولا .. فـالـك ..
.. تعالي .. شوفي وين انتي ؟! وشوفـي وينـي و وينـك=تعالي .. والثراء حضنـي .. وانتـي السمـاء شالـك ..
.. تعالي .. مابقالي حيـل .. تعالـي .. اوفـي ابدينـك=تعالي .. ليلي الموحش .. تعالـي .. مظلـم وحالـك ..
.. احبك ؟ لا .. انا .. ميت مـن ازمانـك إلـى .. حينـك=ميـت ؟ ايـه .. ميـت ؟ لا .. انـا ميـت واحيالـك ..
.. اعيش بحاضـر ايامـك .. وامـوت بماضـي اسنينـك=تعيش اجيال مـن بعـدك .. ويخلـق جيـل يلجالـك ..
.. وربـي مـارات عينـي جمـالٍ طــاح مسكيـنـك=تسيدتـي جمـال الكـون / كنـك بالثـراء لحـالـك ..
.. وانتي لو لمستـي شـيء .. صـار اعظـم محبينـك=وانا اعظم محبينـك .. انـا / وعطـرك / وسلسالـك ..
.. وروجٍ ادمن اشفاهك / وكحـل يعشـق هـدب عينـك=وعبـاةٍ يصرعـه زولـك / وقمـاشٍ ذاب بازوالـك ..
.. واطرم هام فـي صوتـك / واعمـى يشهـد لزينـك=وعيـنٍ تبصـر اشعاعـك / وحلـقٍ ينطـق اهوالـك ..
.. وخلقٍ ضاميه مـن مـاك / وخلـقٍ ترتجـي طينـك=وقلبٍ عـاش مضنونـك / وقلـوب اتعانـي اهمالـك ..
.. كـذا سـواك سبحانـه .. وزينـك يعشقـه .. شينـك=مـلاكٍ ضـاع بإحسانـك ، وهيبـة حسـن تمثالـك ..
.. وليـلٍ يطعنـه رمشـك .. وصبـح ايهـاب سكيـنـك=وارضٍ تعشق الثريـاء .. وفضـاء يطربّـه موالـك ..
.. وبحـرٍ مامـلا عينـك / ونهـر اخطـا بتخميـنـك=وزهرٍ يعشق انفاسـك .. و سمـاء تمطـر وتشتالـك ..
.. وشمـسٍ تغـرب بخـدك ، ليامـن اشـرق اجبينـك=وبير يموت ضميانك / وقلـوب اسيـاد .. تضمالـك ..
.. وحروف تمـوت مغبونـه .. إذا لكيـت فـي سينـك=واساور تحترق غيره / من .. الفتخـه .. وخلخالـك ..
.. وانتي لو ( سجد رمشك ) .. وبريق الدمع في .. عينك=يطيح النجم / ويشهق ليـل / وتزهـق نفـس مغتالـك ..
فهد خلف الشمري