قبل الغـرام وقبـل مااصيـر .. مغليـك
أعاهدك مااقول : غير ..( آمـر وسـمْ )
حتى لو إنك قلـت : برحـل .. وأخليـك
بقول لـك : تامـر علـى ماتبـي .. تـمْ
رايـح أكـون إنسـان .. يفهـم مباديـك
أشاركك بالضحك .. والحـزن .. والهـمْ
مهتم بكْ .. وأغلي بعد مـن .. يخاويـك
ومن لايهمـك مانـي ب فيـه .. مهتـمْ
بفتح لك .. بصدري وقلبـي .. شبابيـك
وأنقش غرامك وأرسمـه .. داخـل الـدمْ
وإنْ جاك نوم .. رموش عيني .. تغطيـك
غمض عيونك وسط عينـي وثـم .. نـمْ
وان قلت لي وش كبر حبـي بخافيـك ؟؟
أقول أحبك .. بس .. مـدري أنـا كـمْ !!
أبيـك تسرقنـي .. لروعـة مراسـيـك
وأموت بك موتة غريـق ٍ .. وسـط يـمْ
أبيـك تـدرك يـوم انـا جيـت أماشيـك
قصدي تكون أقرب من .. الخـال والعـمْ
قصـدي تبعثرنـي .. الي مـر طاريـك
وأحنْ لك .. وأجيـك .. ملهـوف اللـمْ
قصدي أعشقك .. وأتمنـاك .. وأرجيـك
وأشفق على شوفك.. وضحكك .. مع الضمْ
أبيـك تفهـم ..!! يمكـن أقبـل تماديـك
وأسامحك لااخطيـت .. وأقـول : ماهـمْ