مثلي ليامن قال وعد يلبيه
وعدي أكيد وكلمتي ما أعيده
وعليش اقول بشي لو مابأديه
وانا لي اسمي واحترامي رصيده
دليت دربي من بعد رحلة التيه
في رحلة طموح العقول الرشيده
في صفحة كتابي لقيت الي ابغيه
وفي ناتج طموحي لقيت 1000 صيدة
جسمي تعب يركض ورى طموح راعيه
احصد واحط طموح أكبر وابيده
ومن يوم ماجاني غرامك وطاريه
وانا اتذوق من حلى اسمك واعيده
اسمك مثل سكر وال "د" شاهيه
بس ليه راع الشاي سكر يزيده؟؟
ياضلي اللي مادري شلون الاقيه
متى يغيب الليل عل استعيده
ودي لو ان يدي في راحة يديه
واغرق فعينه بعد ماذوب فـ ايده
شفتك تحت رمشي ومتلحف فيه
وشفتك على صفحات كل الجريده
ماخذت لك عوج الدروب اقترب فيه
مشيت سيدا لأن انا دوم سيدا
وانا لو اقدم ع الخطا قبل ماتيه
كل ماقتربت القا المسفة بعيده
من خاف ربه واجب انه ينجيه
ومكيدة الله تغلب اية مكيدة
فرايي على هدي النبوة مرسية
ومعقل الشهوة عقال العقيدة
والادمي لو ترجع لمن مربيه
تلقاه نسخة بس نسخة جديدة
هدف حياتي لاطوى العمر طاويه
ينقال عني بعد موتي فقيده