....
اكتب حروف الحب حبسٍ برجلي
قيد يقيـــد خطوتك لاتروحي
اقعد معي وان رحت خذني مخاويك
عن لاتروح ان كان قفيت روحي
ريض خطى رجلك شوي لغاليك
خله عليك بســر حبــه يبوحي
ياواحدٍ مالك شبيهٍ لك يحاليـــك
نفسٍ بحبــك من ظماها شحوحي
اغليك واللي كون الكون انا اغليك
وحب الغلا..ماهوب مثل حب المزوحي
يالغاليٍ دمعات عيني تناجيــك
بعبايرٍ..من فوق خدي تفوحي
حتى وانا في غفوت النوم اناديك
وطيفك على شاشة خيالي...يلــوحي
ارجع علي وضمني بين اياديك
ضمة غلا..تحيي بها ميت روحــي