لاتحسبني لا عطيتك وجه جيت اركـض وراك
مبداي انا طيب التعامل والحيـاة اخـذ وعطـا
ماهمني تفهم علـي والا تمـادى فـي خطـاك
لاتنخدع فـي كبريائـك ليـن تفهمنـي خطـا
رد الغلا كانك تساومنـي علـى قيمـة غـلاك
غيـر مفاهيـم الغـلا والا يغـيـرك البـطـا
زلزلتني تبطي عظم مادمت نجـم فـي سمـاك
تموت ما تكسب خضوعي وانحـداري للوطـا
ود الخبر لقصى ضميرك في زعلك وفي رضاك
خـل المشاعـر والحقيقـه والقناعـات خلطـا
قدرك حفظته وارتقائـي مـا ينـزل مستـواك
وقلب حفظ منك الامانـه يعتبـر بيـر وغطـا
رح للطريق الي تبي لا تلتفـت واتبـع هـواك
تبرا الجروح النازفه لـو كـان تأثيـره سطـا