واللـه حــوريــه ولا هــــي بانـســان @@@ خـشـفٍ تجـر القلب جـر السـواني
جـمال يوسـف عـندهـا فـيـه نقصـان @@@ هـي سيدة سـيد جـميع الحـسـاني
على وشك يسـجد لها الانس والجـان @@@ مـير الولي واحـد ولا فـيه ثاني
الناس تتـشــابـه وهـي فـرقـهـا بـان @@@ الفرق واضـح فـي جـميع المعاني
زاهــي بـزيـنــه زي زهــرٍ ببـســتان @@@ مـن زود زين الزين زينـه دهاني
يامـا بـأم العـين شـفـت الحــلا الوان @@@ لكـن حـشا ما مـثلها مــودماني
أروع من الروعـه سحر ذيك الاعـيان @@@ زودٍ عـلى خـصـرٍ كما الخـيزراني
ومن خدها المكياج يصنع على شان @@@ يتجـملوا منه جـمـيـع الغـواني
هـي مـصـدرٍ للزين من وين ما كـان @@@ ومن زينها تذهـل رهـاف الثماني
يغــار مـنـهـا كـل مـزيــون فــتـان @@@ يقول زيـني عـنـدها مـا كـفاني
فـي دربهـا وقـفـت حايـر وولهـان @@@ وهـي تعـدت كـنـهـا مــا تراني
تجاهـلـت ما كن فـي دربها انسان @@@ واقـف ومـتـمـسـك بحـبل الاماني
مغرورةٍ ماظــن فـي قـلبهـا ايمان @@@ ما تدري ان العمر وان طال فاني
ولا كسبت بي غـير ذره من احـسان @@@ شـمـيـت ريحـة طـيبها يوم جاني
ابـتــكـلـم بـــس وقــفــت حــيـران @@@ مـن هـيـبـته عيا يتحرك الساني
أثر الحـلا يرفع من القـدر والشـان @@@ يرفـع قـدر راعـيه لاعـلى مكاني
ومن حـقها تغتر في حسنها ازمان @@@ مـن تامـره ما ظـنـه يقول ماني
وان راح هـذا الحسن والوقـت خوان @@@ مـحـدٍ مبادلها الغـلا والحـناني
كـلٍ يبي ينظـر لهـا بعـيـن حـقـران @@@ ويغـير اسـلوبه معاهـا بثـواني
ثم عـاد ما يـمــدي اذا قــلـبهـا لان @@@ تموت احـسـن من حـياة الهـواني
وشــنـهي الدنيا بـلا قـلـب والسـان @@@ والشكل زايل مـع مـرور الزماني
على العموم البنت في شـكلهـا الان @@@ كأنها مـن حـور عـيـن الجـناني
وصـفي لها ما يعني القـلب شـفقان @@@ ولا يعـنـي اني من هـواها اعاني
ولا يعني اني بحبها صـرت غـرقان @@@ لكن هـوايةٍ عـندي وصـف الحساني