حزنك يواعدني على رمل شاطيـك
واسكن سـهر عينـك وابات ابكفوفــك
اسريك ليل وللشقا في مسـاريك
غربة مشـاعـر وسّـــمــت في كهوفك
واشرب ضماك وتزهر اعشاب حاديك
سـاعة قطيعة بيــن عزمــك وخـوفك
(عاشق) إذا جفّـت غنــاوي صحـــاريك
تعال بـلل من دمـوعي حـروفك
وابقى وعد لاحلام عمــــرك وامانيـك
واصــيـــر بــرواز يــزين رفوفك
وانا قطفت احساس وردك معانيـك
مــن مزهـريـة حــب وافـي بجــوفك
رغم اني اقبل شوق جارف ينــاديـك
وامــوت واجروحــي تعـانق سيـــوفك
لو ان حزنك ضمني فوق شـاطيــــك
بابكي لنوحـك وانتثــر في كــفوفك