السلام عليكم جميعآ
اليكم القصيده:
ظميت ومالقيت اللــي عـلـى العـاده يـروينـي
تعبت ومالقيت اللي على صدره احـط الـراس
ليا من غاب عن عيني احس الشـوق يكوينـي
وليامن شفته اقبالي يذوب القلب والإحسـاس
غيابك جرّح اعيـوني واحسـه حيـل يظمينـي
وحتى حرف طاروقي جفاه الحبر والقرطاس
يصيـــح الــحـرف بأوراقـي ولا ودّه يخلينـي
حزن حـرفي على قلبـي وماوده يجيـه اليـاس
ظمى قلبي ظمى سمعي وبات الهم فـي عينـي
يشق اجفونها جرح السهر والقهر والوسواس
اراقب مطلع الجوزا واشوف اسهيـل يبكينـي
وانته يالغضي تسري وكأني من بعيـد النـاس
بكت عينــي علـى عيني لأنك حيـــل تعنينـي
ولأنك كل شي عندي كتبت الشعـر بالكـراس
كتبته والعطش يحرق عروقي وانـت ناسينـي
وانا اعطيك من عيني ومن روحي بلا مقيـاس
سقــى الله الـزمــان اللـي تنـادينـي وتسقينـي
واشـرب من حلا ريقك وأتنفس مـن الأنفـاس
تـري والله بالـــدنيـا مـابـه حــدّ يغنيـنـــــي
عن اعيونك ولا قربك ولا حبك ياتاج الـراس
وســــلامـتـكــم