فديتك وصح لساااااااااك ولا هنت مفارق
شفت في عين الأسد ضعف المهاه
وشفت في عيون المها فتك الأسود
واعترى قلبي المتيّم ما اعتراه
نار شوقٍ ما لساعرها خمود
ويل من هو بو هدب ساجي رماه
في الصدر ويصيب لبّات العقود
هل يلام الصّب مشفق ع الحياه
يوم وثّق للظّبي عند العضود
شفت في العلقم على مرّه حلاه
يوم عقبه م الجفا ذقت الصّدود
وش يسوّي العاشق وقالوا دواه
في النّهود وفي الشفاه وفي الخدود
صحت بالصّوت الذي يسري صداه
في ربوع الكون ماله من حدود
المعنّى طيفك الهاجر جفاه
صار حتى طيفك امصدّ وعنود
يا أمل عمري ويا غاية مناه
خبرّيني كيف أنجى م القيود
آه من شوقي ومن هجرك وآه
من هواك ومن جفاك وم الجحود