السلام عليكم ورحمه الله
يعطيج العافيه اخت شوق الوجود
اكيد راح افتح له قلبي ورح انسيه الوقت الي عاشه من دوني اكيد
تلاقينا بعد غيبة زمان ٍ طال ستّ شهور
بدا كلّ ٍ يسولف عن مواجع رحلة غيابه
بدا قلبي يرتب لك تفاصيل الشقا بالدور
من اول ما فقد طيفك لآخر جرح غنى به
من اول ليله أشقتني عرفت اني بعيش الجور
عرفت اني وسط ظلمه بي الأيام تتشابه
اسولف للهدايا عن سبايب رفّها المكسور
وأرتب كل إهداءٍ حظت عيني بمكسابه
صدى اخر كلمةٍ باقي أثرها في حشاي تدور
أرددها مع افكاري إذا دقّ السهر بابه
جروح الوقت والحسره وانين الموعد المهجور
على نظرة أمل وافي يسدد صبري حسابه
لمحتك وارتعش جسمي و صار الليل بدر بدور
وبدا قلبي يهنيني على ملقاة أحبابه
هلا بك يا بعد عمري هلا بك يا شبيه الحور
عباره قالها قلبي يعبّر لك بترحابه
أناظر في تعابيرك و من وجهك يفيض النور
فضحك الشوق قدامي و دمعك كحّل أهدابه
صعب يضوي الشفق صبحه بلا تغريدة العصفور
وانا صعب علي أرضى يموت الود بغيابه
هيامي لحظة اقبلتي فرح طاير بليّا شعور
تراقص فرحي اقبالك وسط جرح ٍ نسى مابه
ترانيم اللقا تمسح غيابٍ طال ستّ شهور
مادام انك رجعتي لي نسيت الهمّ و اسبابه
تقبل مروري وودي
اخـــــــــــوك