ا ياوجودي وجد من فارق الطير
من يوم شاف الخرب ثم ضاع منهّ
ولا ياوجودي وجد من يشكي عصير
يومه تعشّم بالغلا وخاب ضنهّ
ولا ياوجودي وجد من قلت بالخير
وبنات فكري بالقصايد بكنهّ
هذا وذا حالي وانا عمري صغير
من يوم غاب وأساءل القوم عنهّ
قالو رحل واللي رحل دون تبرير
ماتنفع أدموعك أذا تب تونهّ
أطلب له الرحمه وكف التعابير
وأطلب عسى مثواه يالله جنهّ
حاولت أثبّت موقفي دون ماحير
وأصد هم(ن) أعلن الوقت شنهّ
وحاولت أروضّ فكرة(ن) بالدفاتير
وحاولت أجامل وقت من دون منِهّ
يامن رحل وأقبل وراه ألف تفكير
ماطمع بربح وراس مالي طونهّ
هم وحزن وفراق من صدره البير
اللي بوسطه أسرار ناس(ن) رمنهّ
ياللي وقد ناره وحيهّ المسايير
ياللي على روس النوايف تغنهّ
عقبك تحديت الزمن والمقادير
ومن ظن فيني الخير ماخاب ظنه
ياكيف أصد الوقت والوقت تعسير
أجيه منه ويلتفت صد منهّ
أجمع هموم الغير وأضحك مع الغير
وهم(ن) حملته بالصدر غصب أكنهّ
أطرق من أشعاري لسمع الجماهير
وأطرق مابيني وبيني لك ألف ونهّ
وأحن لك من بين جمعّ المغاتير
واللي يمرّهم قال ل الذود حنهّ
ماهو بفن يوم أطرق الشعر يامطير
لحني انا من لحن منهو تعنهّ
يطمع بزود وما يحسب المخاسير
ومن عز نفسه مابيوم(ن) تدنهّ
وانا علي الشعر والشعر تأثير
ولو كنت أشوفه أدلال وما ذقت بنهّ
ويالله عسى ماشفت بي يوم تقصير
ويشبع قصيدي كل من قلت هنهّ