يا رحلتي000العلم لك منـي كـلام بـلا سـلام=الشوق يجري في دما جسمي من البارح جـري
ودي ببرٍ مـا كسـاه الوقـت عـج ولا عسـام=نسمات ليله تجبـر الجـرح الكسيـر بخاطـري
وانحت من الذكرى على صخرِه تحت جنح الظلام=وأسيّر الموجه علـى بـث اللحـون السامـري
وأنشـد ترانيـم الحـروف الأبجديـه بانسجـام=يصدح صدى صوتي نهايـة مايشوفـه ناظـري
وأبعثره في رجعتـه وأقـول ماعشـت الزحـام=واتل باقي ماخفى فـي مهجـة الليـل الطـري
عندي يقين أن السكوت أحيان خير مـن الكـلام=لكن صكـات العمـر تقـول لـي وش تحتـري
في رحلتي غربة وطن تدعس على الشوك الحطام=حواجز الحزن أهدمه وأقـول يانفـس اصبـري
وأوجد نهايـة غربتـي بعـد اتجاهـي للأمـام=كان المدينـه بابهـا قفلـه شقـى بالمشتـري
في خطوتي عين الرضا ماتقبـل اشبـاح اللئـام=يدري بها عظم القـدم والا يـا علـه مـا دري
عمر التلاقي ما رسم ذكـرى مكـان الإنفصـام=والا الجفا يجمـع معـه ود البسـاط المنفـري
تلونت بعض الوجوه برغبـة الكسـب الحـرام=وتكبلـت كل اليديـن المنكـره ماتنـكـري
حقيقه لو منها يشيب الرمش في سـن الفطـام=مـر الحقايـق يابـري حالـي عليهـا يابـري
أقولها يا رحلتـي وأنـا علـى مسـك الختـام=وتطري بها كل البشـر كانـت حقيقـه تنطـري