|
قالو تتوب وقلت ماني بتايب ++ ماني بتايب من محبة حبيبه
حبيبةٍ تسوى جميع الحبايب ++ اللي بشرق الكون ولا مغيبه
في حبها هيمان والقلب ذايب ++ ومن لامني فيها عسا الله يصيبه
من عينها يصيبه طرف سهم صايب ++ لين يتعذر من علاجه طبيبه
هذا سبب واحد وغيره سبايب ++ والخد والشفه تراها مصيبه
و في وصف جسم الزين عدة غرايب ++ جسمٍ أنيق ومرتوي فيه هيبه
لا شفتها شفت العجب والعجايب ++ بنتٍ تودي الزين ثمٍ تجيبه
من حب هذي البنت ماني بتايب ++ الا لحطوا فوق قبري نصيبه
وسلامتكم
|