ان جيتني قلبي من الود رحّب
وان رحت مما فيه ياغايتي ذاب
معجبك داري وهم انا فيك معجب
واول شروط الحب معروف الاعجاب
وان قلت لك مافيه قبلك ولا حب
قل لي بملء الفم كذاب كذاب
انا بشر حساس واحلام ن وقلب
مااقدر اعيش العمر من دون احباب
لحكم القدر تأثير بالبعد والقرب
جمعا تجي باسباب وافراق باسباب
مانيب عايب احمده واشكر الرب
من فضل ربي تقدر تقول جذاب
تبي عيوبي هاك سجلها واكتب
عيبي ليامن جيت ادخل مع الباب
وعيبي اموت من الضما هلك مااشرب
من اللي مكرع فيه كلحين الاشناب
جيتك على ماتريد وتوّد وتحب
اجني على ماجيت ياسيد الاحباب
صح لسانك متابع على
القصيده ويعطيك العافيه
على الابيات الجميله
وتقبل مروري