يفزّ قلبي حين يسمع بطاريه
فزَ القطا لاشاف من يقنصونه
كنت انتظر دايم وانا في حراويه
علَّه يجي والقلب تسلم طعونه
قطَّع معاليقي بسلّة مطاويه
مالي بوقت ٍ يبتسملي بدونه
شكله قليلٍ فالبشرمن يساويه
واهل القلوب المرهفه يعشقونه
القلب في ليل الظمأ كان راويه
لين انشرح باله وهلَت مزونه
ابيه بإحسانه وحتى مساويه
واموت في حبه وغمزة عيونه
واليوم قلبي مالقى من يداويه
مثل اليتيم اللي هله يظربونه
يبيني ابقاله رفيق ٍ مخاويه
ويخشى من العذال لا يتهمونه
يازين كيَه لي بحامي مكاويه
ويازين همسه يوم يبدي شجونه
كاس الهوا دايم وانا في رجاويه
كاس المحبه ذوق لو تشربونه
يشرب حناني وارتوي من غناويه
واعطيه من كاسي يعاقر فنونه
ياليتني عقد ٍ بصدره مخاويه
ولاّ بقايا كحل في طرف نونه
الله علم عن ديرته عن نداويه
والله حسيب اللي نوو يبعدونه
قصر طوينا ساحته مات طاويه
ناس ٍ بنو واجناس جو يسكنونه
يكتب لي المكتوب والبعد ناويه
مصير عشاق الهنا يتركونه
من ذاق مرّ الوقت ينسى هقاويه
ولابد كاس الحنظله يشربونه
هذي نتيجة من يطاوع بلاويه
وهذي نتايج ظلمهم يجرعونه
جعل السعاده ترتسم في خطاويه
وجعل الذي يفخر بهم يسعدونه
والقلب نقطع مهجته من عراويه
ونرميه لسباع الخلا ياكلونه
ملّيت قلب ٍ خاسر ٍ في دعاويه
وش حاجتي في واحد ٍ ما يصونه