يا صباح الورد صبحتك بخير
جيتك بشوقي حبيبي ضمني
فارش عيوني وقلبي لك حرير
انتظر شوفك تعالي واسكني
اسكني في قلب بيدينك اسير
استوطني وتدللي وتمكني
من كثر شوقي احس اني بطير
حطني بصدرك حبيبي ولمني
تحكم بكيفك وتوجتك امير
بس يكفيني بوجودك اهتني
مغمض عيوني وعلى دربك اسير
والعواذل قولهم ما همني
خلني اشبع من خدودك عبير
وزيدني من عذب حبك زيدني
صوتك الحالم يجنني مثيييير
اطربيني وبهوانا دندني
يا صباحي ويا قمر ليلي المنير
قلبك المرسى وعينك موطني
غربتي طالت ودنيانا تسير
سمني بعادك حبيبي سمني
ولو ملكت الكون من دونك فقير
ما اشوف الا هواك يظلني
الكبير يظل لو مبعد كبير
ويا كبير الشوق عندك شلني